ބަޤީ އިބްނު މުޚާލިދު އާލާސްކަންފުޅާ އުޅުއްވަނިކޮށް އިމާމު އަޙްމަދުގެފާނު އެކަލޭގެފާނުގެ އަރިހަށް ޒިޔާރަތް ކުރެއްވިއެވެ. އަދި މިފަދައިން ދެންނެވިއެވެ. "އޭ ބަޤީ އެވެ. މާތް ﷲ ގެ ޖަޒާ އާމެދު އުފާކުރާ ށެވެ. ދުޅަހެޔޮ ކަންމަތީ ތިބޭ ދުވަސްތަކުގައި ބަލިމަޑުކަމެއް ނުވެއެވެ. އަދި ބަލިމަޑު ކަމާއި ކުރިމަތިލާން ޖެހޭ ދުވަސްތަކުގައި ދުޅަހެޔޮ ކަމެއް ނުވެއެވެ." މީގެ މާނައަކީ،  ދުޅަހެޔޮ ސިއްޙަތެއްގައި ތިބޭ ދުވަސްތަކުގައި، ބަލިމަޑުކަމާމެދު އެއްވެސް މީހަކު ފިކުރެއް ނުކުރެއެވެ. ...

  އަންނަނިވި ކަންކަމަކީ އެކަންކަމުގެ ސަބަބުން އުފާވެރިކަމާއި ހަމަޖެހުން ގެއްލިގެންދާ ކަންކަމެވެ. ވީމާ، އެކަންކަމުން ދުރުހެލިވެ، އެއްކިބާ ވާށެވެ. ޝަކުވާ ކުރުމާއި މާތް ﷲ ގެ މިންވަރުފުޅާމެދު ހިތްހަމަނުޖެހި ރުޅިއައުން. ފާފަކުރުން، އަދި ފާފަކުރުމަށްފަހު ތަޢުބާ ނުވުން. أَوَلَمَّا أَصَابَتْكُم مُّصِيبَةٌ قَدْ أَصَبْتُم مِّثْلَيْهَا قُلْتُمْ أَنَّىٰ هَـٰذَا ۖ قُلْ هُوَ مِنْ عِندِ أَنفُسِكُمْ ۗ إِنَّ اللَّـهَ عَلَىٰ كُلِّ شَيْءٍ قَدِيرٌ ﴿١٦٥﴾ ...